Um Casa

Casa var stofnað í Reykjavík árið 1977 og hefur síðan þá verið leiðandi í sölu á hágæða ítölskum húsgögnum og ljósum. Cassina og Flos hafa verið aðalsmerki Casa frá upphafi en í gegnum árin hefur Casa bætt við sig fyrirtækjum á borð við Poltrona Frau, Natuzzi, Kartell, Bonaldo, Naver Collection og nú síðast B&B Italia. Verslunin í Skeifunni er með 1.200m2 sýningarsal þar sem finna má allt frá smávöru upp í glæsilega sófa, borðstofur og ljósbúnað. Á síðustu árum hefur Casa stækkað gjafavörusvið sitt til muna. Partur af þeirri stækkun var opnun gjafavöruverslunar á fyrstu hæð Kringlunnar í júní 2007 þar sem vörumerkin Ritzenhoff, Alessi, Rosendahl og Kartell stóðu í öndvegi. Casa hefur svo smám saman bætt við sig flottum hönnunarfyrirtækjum á borð við Iittala, Kähler, Freemoover, Menu og nú síðast ítalska kaffirisanum Bialetti. Þá var ekkert annað í stöðunni nema að stækka við sig og opnaði Casa því nýja og glæsilega verslun á annari hæð Kringlunnar í mars 2015. Í Júní 2016 opnaði Casa svo glæsilega verslun á Glerártorgi á Akureyri, en hún býður upp á sama úrval og verslunin í Kringlunni.