Alessi – 9093 Ketill Blue

Alessi fæddist árið 1921 á Ítalíu og hefur smám saman þróast og orðið leiðandi fyrirtæki í framleiðslu á vörum úr málmi. Stofnandi fyrirtækisins, Giovanni Alessi, hafði sérlega gott auga fyrir smáatriðum og lagði mikið upp úr gæðum og fulkominni lokaútkomu – eitthvað sem fyrirtækið hefur haft að leiðarljósi í gegn um árin. Mörg hönnunartákn hafa orðið til þegar frægir hönnuðir og arkítektar vinna í samstarfi við Alessi, t.d. Juicy Salif sítruspressan eftir Philippe Starck, 9093 ketillinn eftir Michael Graves og Anna G. upptakarinn eftir Alessandro Mendini.

Í yfir 30 ár hefur 9093 ketillinn eftir Michael Graces verið ein mest selda vara Alessi og hefur verið seldur í meira en 2 milljón eintökum um allan heim. Ketillinn er tímalaus og klasskur gripur en á sama tíma skemmtilegur þegar fuglinn fer að syngja við suðu vatnsins. Ketillinn er úr stáli og gengur því á allar tegundir helluborða, þ.m.t. span.