Hnota

25.01.2017

Hnota er náttúrulega dökk viðartegund sem er mjög eftirsóknaverð í húsgagnagerð. Hnota er ekki eins algeng viðartegund og t.d. eik og þess vegna er hún í flestum tilfellum dýrari. Mælt er með því að nálgast allar upplýsingar um frumvinnslu (t.d. hvort að viðurinn sé olíuborinn eða lakkaður) svo hægt sé að meðhöndla hnotuna á réttan máta. Við langvarandi dagsbirtu mun hnotan verða ljósari.

 

Það verður að varast sérstaklega að hafa viðarhúsgögn nálægt hitagjafa eins og ofni eða arinn. Hitinn getur valdið ofþurrkun á viðinum og í verstu tilfellum sprungum. Gegnheill viður þarf að anda og því er ekki mælt með því að hafa á honum plastdúk í meira en 24 klukkustundir í einu. Mikilvægt er að notast við sérstaka einangrandi platta undir allt heitt sem lagt er á viðinn. Ef vökvi hellist niður á við er mikilvægt að þurrka bleytuna strax. 

 

Varist að nota sterk hreinsiefni á viðarhúsgögn. Sum hreinsiefni sem almennt eru notuð á heimilum hafa olíu í sér sem getur valdið uppsafnaðri áferð á viðnum sem ekki er ákjósanleg. Einnig geta sum þessara efna eytt upp upprunalegri áferð viðsinns. Til þess að koma í veg fyrir ryksöfnun á viðnum er gott að nota reglulega þurrann klút. Af og til er í lagi að nota milda sápu í örlítið rökum klút. 

 

Viður getur verið meðhöndlaður á mismunandi máta á framleiðslustigi. Ef viðurinn er olíuborinn þá er nauðsynlegt að bera á hann olíu tvisvar á ári til þess að hann haldi eiginleikum sínum. Minna viðhald fylgir oft lakkaðri hnotu. Þegar húsgagn úr hnotu er keypt er mikilvægt að nálgast þessar upplýsingar hjá söluaðila svo hægt sé að meðhöndla viðinn á réttann hátt.