Flos Arco Gólflampi

Flos var stofnað árið 1962 í Merano á Ítalíu. Vörumerkið byrjaði sem rannsóknarstofa fyrir hönnuði og arkitekta, sem leituðust við að gera nýjungar í ljósaiðnaðinum. Á tímum þar sem LED var að verða nýr staðall, tókst FLOS að viðhalda stöðu sinni sem nýstárlegt og krefjandi lýsingarhönnunarmerki með því að nýta möguleika þessarar nýju tækni. Í Casa fæst glæsilegt úrval af lömpum og ljósum frá Flos og við hvetjum ykkur til að koma og skoða úrvalið.

Arco lampinn er algjört meistaraverk sem hefur með árunum orðið einstakt hönnunartákn. Lampinn var hannaður af bræðrunum Achille og Pier Giacomo Castiglioni árið 1962 og hefur ávallt notið mikilla vinsælda og er tímalaus hönnun. Þessi lampi er ekki með innbyggðum dimmer. Auðvitað er hægt að fara aðrar leiðir til þess að dimma, t.d. með HUE peru eða tengja dimmer á innstunguna. Það er E27 perustæði í lampanum en athugið að pera er ekki innifalin með lampanum heldur þarf að versla sér.