Occhio – IO Verticale Veggljós

IO ljósalínan frá þýska hágæða ljósafyrirtækinu Occhio var hönnuð árið 2012 af Axel Meise & Christoph Küger. IO verticale eru hringlaga veggljós með höfuð sem hægt er að hreyfa í heilhring eða 360 og linsur sem hægt er að stilla. Lýsingin getur beinst upp, niður eða í báðar áttir. Þegar þetta kemur saman við 360° hreyfanleika þá verða lýsingarmöguleikarnir endalausir. Hér mætast tveir heimar, heimur tækni og heimur einfaldleikans. Smart LED lýsingu veggljósanna er bæði stýrt með snertilausri handahreyfingu eða með hjálp Bluetooth en ljósin hafa einnig mjög nákvæmt dimmerkerfi. Occhio lýsingin er nærri því að vera á sama birtustigi og dagsbirtan sjálf, um 95 á CRI skalanum en dagsbirtan úti er 100 á CRI skalanum. Birtustigið getur því haft mjög jákvæð áhrif á heilsu í mesta skammdeginu. Einnig er hægt að stýra lit birtunnar, frá 2700-4000K. IO verticale veggljósin eru 230V AC / 50 Hz og 18W, nema í tilviki chrome, rose gold, bronze og phanton, þá eru þau 13 W. Við bendum á meðfylgjandi Pdf-skjal fyrir nákvæmari tæknilegar upplýsingar um ljósin. Í Casa Skeifunni 8 er síðan stórt sýningarrými Occhio þar sem hægt er að skoða allan ljósabúnað þeirra og fá frekari upplýsingar um virkni.