Erik Rosendahl stofnaði fyrirtækið árið 1984 sem umboðsskrifstofa fyrir iittala og átta árum síðar hóf Rosendahl framleiðslu á eigin vörum. Í dag eru alls níu fyrirtæki í Rosendahl Design Group, m.a. Kay Bojesen, Holmegaard, Kähler og að sjálfsögðu Rosendahl.

Árið 1993 hannaði gullsmiðurinn Erik Bagger stálvíntappann fyrir Rosendahl sem naut mikilla vinsælda og í kjölfarið varð Grand Cru línan til. Það sem einkennir Grand Cru línuna eru rákirnar fjórar sem skornar eru í vörurnar og veitir þeim þannig fágað og tímalaust yfirbragð. Hitakönnurnar eru engin undantekning en ásamt því að vera afskaplega stílhreinar heldur tvíveggja hitageymirinn innihaldinu vel heitu og smellutappinn takmarkar hitatap. Könnurnar eru fáanlegar í nokkrum litum og ætti því hver að finna könnu sem passar í sitt eldhús.