Robert Welch – Radford Hnífaparasett 24/48stk

Robert Welch opnaði sitt fyrsta stúdíó árið 1955 í Cotswold, Bretlandi, eftir að hafa yfirgefið the Royal College of Art og ekki leið á löngu þar til hann hafði öðlast orðspor fyrir yfirburði í bæði hönnun og framleiðslu á vörum úr ryðfríu stáli. Í dag stýra börn Robert Welch fyrirtækinu, enn í sömu byggingu og ævintýrið hófst fyrir yfir 60 árum, þar sem ástríða fyrir tímalausri og klassískri gæðahönnun er höfð í fyrirrúmi.

Radford línan er svo sannarlega nútímaleg klassík en þessi tímalausu hnífapör hannaði Robert Welch fyrst árið 1984 með innblástur frá lögun og þyngd georgískra hnífapara. Árið 2003 var línan endurvakin í minningu Robert Welch og er í dag ein allra vinsælasta lína fyrirtækisins. Radford hnífapörin unnu til German Design Award árið 2020. Radford hnífaparasettið fæst í 24, 42 og 48 stykkja pakkningum. Minnsti pakkin inniheldur matargaffla, matarhnífa, súpuskeiðar og teskeiðar fyrir 6 manns. 42 stk settið inniheldur það sama auk forréttahnífa, forréttagaffla og eftirréttaskeiða fyrir 6 manns og það stærsta hefur 6 steikarhnífa í kaupbæti. Athugið að stærsta settið er aðeins fáanlegt í takmörkuðu magni. Hnífapörin er einnig hægt að kaupa stök.

Hnífapörin má þvo á stuttu prógrammi í uppþvottavél (65°-75°c) en forðast skal að hafa málm sem ekki er úr ryðfríu stáli með í uppþvottavélinni þar sem það getur valdið ryðblettum.