Frandsen – Ball Loftljós Ø: 18cm

Danska fyrirtækið Frandsen stofnaði Benny Frandsen í kjallaranum á heimili sínu árið 1968 eftir að hafa hannað og smíðað fyrsta Ball ljósið. Síðan þá hefur fyrirtækið stækkað og þróast ört og í dag vinnur Frandsen í samstarfi við hina ýmsu hönnuði og einblínir á að skapa hágæða ljós og lampa fyrir einstaklinga og fyrirtæki víðs vegar um heiminn.

Ball línan inniheldur án efa vinsælustu ljós fyrirtækisins enda var fyrirtækið stofnað í kringum þessa klassísku og tímalausu hönnun. Loftljós í nokkrum stærðum, veggljós í tveimur útfærslum, gólf- og borðlampa má finna í Ball línunni í mörgum fallegum litum. Loftljósin voru upprunalega aðeins framleidd í brúnum og appelsínugulum tónum til að passa inn á dönsk heimili á áttunda áratugnum. Eftir því sem árin liðu og tískustraumarnir breyttust hóf Frandsen framleiðslu á ljósunum í hinum ýmsu litum svo allir ættu að finna eitthvað við sitt hæfi.