Occhio – Mito Sospeso Loftljós 60 cm

Mito Sopeso ljósið frá þýska fyrirtækinu Occhio var hannað af Axel Meise og Christoph Kügler árið 2017 og hefur slegið í gegn sem hönnunareintak á örskömmum tíma. Ástæðan fyrir vinsældunum er ekki bara þetta einstaka, stílhreina útlit sem Mito ljósið hefur, heldur tækni og virkni ljóssins. Hægt er að stjórna lýsingunni með handahreyfingum eða í símanum með hjálp Bluetooth. Litur birtunnar getur verið allt frá heitum tónum, í um 2700 Kelvin og yfir í kaldari tóna, um 4000 Kelvin sem er frábær vinnulýsing. Occhio lýsingin er nærri því að vera á sama birtustigi og dagsbirtan sjálf, um 95 á CRI skalanum en dagsbirtan úti er 100 á CRI skalanum. Birtustigið getur því haft mjög jákvæð áhrif á heilsu í mesta skammdeginu. Birtan frá Occhio Mito ljósinu er ekki bara hágæða heldur dreifist hún líka svo ofboðslega fallega um rýmið, bæði hægt að stilla lýsinguna bara upp á við eða niður. Hægt er að stilla hæð ljóssins með handafli, ljósið er þá togað niður eða ýtt upp. Hæð ljóssins er þá á bilinu 50 -200 cm neðan við loft. Í Casa Skeifunni 8 er stórt sýningarrými Occhio þar sem hægt er að skoða ljósin og fá frekari upplýsingar um virkni og gæði.