ANGAN Black Lava Andlitsmaski

ANGAN er íslenskt, náttúrulegt húðvörumerki stofnað af Írisi Laxdal. Fyrirtækið sérhæfir sig í þróun og framleiðslu á hágæða húð- og baðvörum úr sjálfbærum, náttúrulegum og endurnýttum hráefnum úr íslenskri náttúru. ANGAN byggir á rótgrónum íslenskum hefðum og eru vörurnar unnar úr íslenskum jurtum og berjum sem hafa öfluga virkni og skila sér í árangursíkum húðvörum sem næra bæði líkama og sál. Vörurnar eru 100% umhverfisvænar, vegan og “cruelty free”, auk þess að vera lausar við paraben, sílikon, phthalates, súlföt og önnur óæskileg aukaefni.

Djúphreinsandi maski sem inniheldur virk kol, náttúrulegan leir, C vítamín, villtar íslenskar jurtir og eldfjallaösku. Andlitsmaskinn hreinsar svitaholur og óhreinindi, gefur létta yfirborðshreinsun sem losar um dauðar húðfrumur ásamt því að auka kollagenframleiðslu húðarinnar. Blandan inniheldur steinefni, vítamín og andoxunarefni sem gefur húðinni ljóma og bætir ásýnd húðar sem verður silkimjúk og ljomandi. Hentar fyrir allar húðgerðir, einnig viðkvæma og bólótta húð.

Virkið maskann með vatni og blandið þar til áferð er orðin mjúk og kremkennd. Berist á hreina húð og forðist augnsvæðið. Skolið af með volgu vatni eftir 10 – 15 mínútur. Notið 1-2 sinnum í viku. Þú getur einnig notað aðrar tegundir af vökva til þess að bæta í maskann. Prófaðu til dæmis hrátt hunang, lífræna jógúrt, blómavatn eða te infusion til þess að búa til þína einstöku blöndu. Ef maska mæliskeiðin er notuð skal nota tvær skeiðar af vökva á móti tveim skeiðum af maska.