Alessi fæddist árið 1921 á Ítalíu og hefur smám saman þróast og orðið leiðandi fyrirtæki í framleiðslu á vörum úr málmi. Stofnandi fyrirtækisins, Giovanni Alessi, hafði sérlega gott auga fyrir smáatriðum og lagði mikið upp úr gæðum og fulkominni lokaútkomu – eitthvað sem fyrirtækið hefur haft að leiðarljósi í gegn um árin. Mörg hönnunartákn hafa orðið til þegar frægir hönnuðir og arkítektar vinna í samstarfi við Alessi, t.d. Juicy Salif sítruspressan eftir Philippe Starck, 9093 ketillinn eftir Michael Graves og Anna G. upptakarinn eftir Alessandro Mendini.

Dry línuna hannaði einn frægasti arkítekt og hönnuður Ítalíu, Achille Castiglioni, en fyrir honum þurftu hlutir að standast tvær grundvallarkröfur: að veita hagnýta lausn og líta vel út. Línan einkennist af mattri áferð, skörpu útliti og sterkbyggðu stáli. Dry var fyrsta hnífaparalínan sem Alessi framleiddi og var hún sú eina sem fyrirtækið framleiddi í langan tíma.