Ítalska fyrirtækið Kartell stofnuðu hjónin Anna Castelli Ferrieri og Guilio Castelli árið 1949 í Mílanó. Upprunalega ætluðu þau aðeins að framleiða aukahluti fyrir bíla og aðrar smávörur úr plasti en árið 1958 hóf fyrirtækið að framleiða ljósabúnað og síðar húsgögn. Árið 1988 gáfu þau fyrirtækið tengdasyni sínum, Claudio Luti, sem hafði bakgrunn í fatahönnun og tísku. Claudio hafði áður starfað hjá Versace og með ást á fullkomnun og smekklegri hönnun varð þetta nýtt upphaf Kartell. Hann leitaði eftir samstarfi við hönnuði og arkítekta, eins og Philippe Starck, Ferruccio Laviani, Patricia Urquiola o.fl., en þau hafa hannað vörur fyrir fyrirtækið sem í dag eru einkenni Kartell.

Battery lampinn er hannaður af Ferruccio Laviani en þessi frábæri listamaður hefur hannað ótalmargt fyrir Kartell. Battery lampinn er þeim kostum gæddum að ganga fyrir batteríi líkt og nafn hans gefur til kynna. Lampinn er hlaðinn í 5 klst og síðan er hægt að hafa kveikt á honum stanslaust í 6 klst. Aðrir kostir við lampann er að í honum er LED pera svo hann hitnar ekki og það er engin snúra sem hamlar honum svo hægt er að hafa hann á hvaða stað sem er.